Cognition $48 mlrd bo'ldi: Devin 4 oyda bahosini ikki barobar oshirdi
AI-kodlash kompaniyasi Cognition (Devin) $2 mlrd yig'di, baho $26 mlrd'dan $48 mlrd'ga. Run-rate daromad $492M'dan $900M'ga. Cursor/SpaceX va compute ochligi konteksti bilan — oddiy tilda.
Devin’ni yasagan Cognition 08.09 kuni Series E raundida $2 mlrddan ortiq pul yig’di va kompaniya bahosi $48 mlrd deb belgilandi. To’rt oy oldin — may oyida — xuddi shu kompaniya $26 mlrd bahoda $1 mlrd yig’di edi. Ya’ni baho 4 oyda deyarli ikki barabar oshgan.
Sondan ko’proq narsa bor
Run-rate daromad ham xuddi shu traektoriyada: mayda $492 mln bo’lgan, sentabrda ~$900 mln — 83% o’sish. Raundga Andreessen Horowitz va Accel boshchilik qildi, Founders Fund, General Catalyst, Avenir va NVIDIA ham qo’shildi.
NVIDIA’ning ishtiroki ramziy: chiplar ishlab chiqaruvchi birdaniga ham investor, ham mijoz. Devin hozir NVIDIA’da chip dizayni, GE Aerospace’da aviatsiya, Citi’da moliya, Mercedes-Benz’da avtomobil injiniringi uchun ishlatilmoqda.
Nima uchun bu Microsoft’ga qarshi kurash emas
TechCrunch’ning ta’kidlashicha, bu raund investorlarning muhim xabari: AI-kodlash bozori «bitta g’olib oladi» bozori emas. Cognition hozir Cursor’dan yuqori daromad multiple’iga ega — va bu ayni Cursor o’tgan bahorda SpaceX’ga sotilgandan keyin kelgan.
Esingizda bo’lsa: OpenAI noyabrda Cursor’dan voz kechgan, sabab — SpaceX bilan ishonch masalasi (bizning Cursor nima postimizda batafsil). Cursor’ning o’zi esa, investorlar so’zlariga ko’ra, asosan compute tanqisligi tufayli sotilgan — yil oxiriga $6 mlrd daromad traektoriyasida bo’lgan kompaniya ham GPU ochligida to’xtab qolishi mumkin.
Cognition ham xuddi shu xavfga duch: kompaniya yiliga yuzlab million dollar turadigan NVIDIA klasterini ijaraga olgan, umumiy cash burn bu yili $800 mlnga yetishi mumkin (The Information). Yil oxiriga kutilayotgan daromad — $4–5 mlrd.
Devin nima, qisqacha
Cognition’ning flagman agenti Devin — «birinchi AI dasturchi» sifatida chiqqan, vazifa berasan: rejalashtiradi, kod yozadi, test qiladi, xatoni topadi, tuzatadi. Copilot’dan farqi — juftlikdagi yordamchi emas, butun vazifani oxirigacha bajaradigan «jamoa a’zosi». Cognition’ning o’z muhandislari kodining ~90%ini Devin yozadi.
Nima o’rganish kerak
- AI-kodlash bozori endi «kim yutadi» savoli emas — bir nechta yirik o’yinchi yonma-yon yashaydi: GitHub Copilot (Microsoft), Claude Code (Anthropic), Codex (OpenAI), Cursor (endi SpaceX), Devin (Cognition).
- Daromad ham, xarajat ham o’smoqda — $900M daromad va $800M burn bir-biriga juda yaqin. Bunday kompaniyalar gullab-yashnashi uchun agentlarning GPU vaqtini pulga aylantirishi kerak.
- Compute = yangi kapital — Cursor’ning SpaceX’ga ketishi ham, Cognition’ning NVIDIA klasteri ham bitta xulosaga: compute tanqis davrda kim unga ega bo’lsa, o’sha o’ynaydi.
Manbalar: Cognition rasmiy e’loni (08.09), TechCrunch, SiliconANGLE, Bloomberg. Cursor/SpaceX va OpenAI konteksti — bizning msg 10 (02.09) va cursor-nima postidan.